www.svpartei.org

I comuns é i elemënć costitutifs plü importanć de Südtirol. Te nüsc comuns à la popolaziun portè pro cun lezitënza y responsabilité al suzès de Südtirol: ara à daidé svilupé nosta provinzia, l’à mantignida a na manira ch’al paia la mëia da vire chilò y à renforzè i valurs dla familia, dl’umanité, dla solidarieté sciöche inće dla cultura y dla tradiziun. Nüsc comuns florënć n’é nia d’ater che le resultat dl laûr de valüta che les zitadines y i zitadins à fat por dezenns alalungia.
Vare por vare à la SVP cun la crëta dla popolaziun laurè tl dër’ vers ti consëis de comun surantolon insciö responsabilité por le svilup dla patria. Ti consëis y tles juntes de comun s’à les ëres y i ëi dla SVP cruzié de na bona aministraziun efiziënta y che ti va incuntra ales zitadines y ai zitadins.

Por mirit dla colauraziun danter zitadines, zitadins y la SVP é i comuns deventà ći ch’ai é al dedaincö: comunitês vies, n daćiasa por döta la popolaziun y por les families, olache al vëgn garantì segurëza y svilup personal. Les ëres y i ëi che ciafarà pro les proscimes lîtes la crëta y la responsabilité por le laûr te comun da pert dla popolaziun arà le dovëi de marchè le tru por n bun dagnì. Ara se trata de avëi idees nöies por fà frunt ai dovëis da ademplì y de ciafè soluziuns ai problems nüs che saltarà fora tl dagnì ti comuns.

I consëis de comun dl dagnì dess respidlé deplëgn nosta sozieté. Plü che dötes les tlasses soziales é rapresentades cun ecuiliber, tan damì pol gnì tignì cunt de ći che ti stà a cör a nosta popolaziun. Ëres y ëi, porsones jones y atempades de dötes les categories profescionales y situaziuns de vita dess portè pro a fà deventè i consëis de comun nüs, organns de chi che vigni porsona de Südtirol po se sintì pert. Por le laûr di comuns mëssel porchël inće gnì tut ite porsones cun spirit critich y cun idees nöies.

La politica de comun po ma avëi n valur universal,
sce degöna pert dla popolaziun n’é stlüta fora!





	SVP-Ladina \| Übersicht/Organisationen	Drucken